काठमाडौं, माघ ५ ।
सरकारले आजदेखि भूकम्पपीडितलाई घर निर्माणनिम्ति दोस्रो किस्ताबापत डेढ लाख रुपैयाँ वितरण सुरु गर्ने भएको छ । पहिलो किस्तामा ५० हजार अनुदान लिएर घरको जग निर्माण सकेर प्राविधिक जाँचपास गराएकालाई सरकारले दोस्रो किस्ताबापतको रकम दिन थालेको हो ।
राष्ट्रिय पुनर्निर्माण प्राधिकरणका अनुसार पहिलो चरणमा मकवानपुर र सिन्धुलीमा रकम वितरण गरिने छ । ती जिल्लाबाट दोस्रो किस्ताका लागि करिब ३ सय पीडितको नाम प्राधिकरणमा पुगेको छ ।
सोमबारसम्मको तथ्यांकअनुसार भूकम्प ‘अतिप्रभावित’ १४ वटा जिल्लाका ६ लाख २६ हजार ३६ घरधुरीले पुनर्निर्माणअन्तर्गत अनुदान रकम पाउने प्राधिकरणले जनाएको छ ।
0 comments: