गैरअावासीय नेपाली संघ अमेरिकाकाे पाँचाै साधारणसभा टेक्सास राज्यकाे डलासमा सुरू भएकाे छ । नेपालका परराष्ट्रमन्त्री डा. प्रकाशशरण महतले नेपाली परम्परा अनुसार नै पानसमा दीप प्रज्वलन गरी उद्घाटन गरेपछि विधिवत रूपमा साधारणसभा सुरू भएकाे हाे ।
समाराेहमा अमेरिकाका लागि नेपाली राजदूत डा. अर्जुनकुमार कार्की, गैरअावासीय नेपाली संघ अन्तर्राष्ट्रिय समन्वय समितिका उपाध्यक्ष कुमार पन्तलगायत अमेरिकी नेपाली डायस्पाेराका विभिन्न संघ संस्थाका प्रतिनिधिहरूकाे सहभागिता रहेकाे छ । उद्घाटन सत्रमा उनीहरूले साधारणसभाकाे सफलताकाे कामना गरेका थिए ।
अमेरिकाका विभिन्न राज्यबाट पातलाे संख्यामा अाएका नेपाली प्रतिनिधिहरूकाे उपस्थितिमाझ सुरू भएकाे साधारणसभा एनअारएन अमेरिकाभित्रकै अान्तरिक किचलाे, कांग्रेस पृष्ठभूमीका पदाधिकारीहरूकाे दबदबा र अन्य कतिपय कारणले खासै जमेकाे छैन ।
समाराेहमा ९० प्रतिशतभन्दा बढी कांग्रेसी समर्थक रहेकाे भनेर बताइए पछि एमाले समर्थक प्रवास् नेपाली मञ्चलार्इ नजरअन्दाज गरिएकाे भन्दै मञ्चसम्वद्ध सहभागीहरूले विराेध गरेका थिए ।
१० हजारभन्दा बढी साधारण सदस्य भएकाे एनअारएन अमेरिकाकाे साधारणसभामा मुस्किलले पाँचसयकाे हाराहारीमा सहभागिता रहेकाे छ । प्रतिशतमा हेर्दा याे ५ प्रतिशत पनि हैन ।
तस्वीर साैजन्यः हिमालय खबर
0 comments: